കോടഞ്ചേരി:
കൂരോട്ടുപാറയിൽ കാട്ടാന കൂട്ടം ഇറങ്ങി വ്യാപകമായ
കൃഷി നഷ്ടം വരുത്തിയിട്ടും വനാതിർത്തിൽ നിന്ന് കാട്ടാനകളെ ഉൾവനത്തിലേക്ക് കയറ്റി വിടാനുള്ള നടപടി സ്വീകരിക്കാതെ കർഷകരെ ദ്രോഹിക്കുന്ന വനംവകുപ്പിന്റെ കിരാത നടപടിയിൽ കിസാൻ കോൺഗ്രസ് തിരുവമ്പാടി നിയോജകമണ്ഡലം കമ്മിറ്റി പ്രതിഷേധിച്ചു.
കാട്ടാനക്കൂട്ടം ഇറങ്ങി കൃഷി നശിപ്പിച്ച കർഷകർക്ക് അടിയന്തര സഹായം എത്തിക്കണമെന്നും മേഖലയിലെ വന്യമൃഗ ശല്യം തടയാൻ വനംവകുപ്പ് കർശനനടപടി സ്വീകരിക്കണമെന്നും യോഗം ആവശ്യപ്പെട്ടു.
കാർഷിക ഉത്പന്നങ്ങളുടെ വില തകർച്ചയും കാർഷിക വിളകളുടെ രോഗങ്ങളും വന്യമൃഗ ശല്യവും മൂലം ആത്മഹത്യയുടെ വക്കിലായ കർഷകരെ സംരക്ഷിക്കാൻ നടപടി സ്വീകരിക്കാത്ത സർക്കാർ നടപടി പ്രതിഷേധിച്ച് ശക്തമായ ബഹുജന സമരം നടത്താനും യോഗം തീരുമാനിച്ചു.
ഡിസിസി ജനറൽ സെക്രട്ടറി ബാബു പൈക്കാട്ടിൽ യോഗം ഉദ്ഘാടനം ചെയ്തു.
മണ്ഡലം കോൺഗ്രസ് പ്രസിഡണ്ട് മാരായ സണ്ണി കാപ്പാട്ട് മല, ടോമി കൊന്നക്കൽ, കെ എം പൗലോസ്,വിൻസന്റ് വടക്കേ മുറിയിൽ, സാബു മനയിൽ, ജൂബിൻ മണ്ണു കുശുമ്പിൽ,ജെയിംസ് കിഴക്കുംകര, ബെന്നി മറ്റപ്പള്ളി, സന്തോഷ് വാലോലി, മാത്യു കുറൂര് എന്നിവർ പ്രസംഗിച്ചു.
Post a Comment