അതിർത്തിയിൽ വീണ്ടും പാക് പ്രകോപനം; കുപ് വാര അടക്കം നാലിടത്ത് ഷെല്ലാക്രമണം; അതിശക്തമായി തിരിച്ചടിച്ച് ഇന്ത്യൻ സൈന്യം.

കുപ് വാര: 

ജമ്മു കശ്മീരിലെ നിയന്ത്രണരേഖയിൽ വീണ്ടും പാകിസ്താന്‍റെ പ്രകോപനം. വെടിനിർത്തൽ കരാർ ലംഘിച്ച പാകിസ്താൻ സേന കനത്ത ഷെല്ലാക്രമണം നടത്തി. കുപ് വാര, ബാരാമുല്ല, ഉറി, അക്നൂർ എന്നിവിടങ്ങളിലാണ് ആക്രമണം നടത്തിയത്.

കുപ് വാരയിലെ കർണാ സെ​ക്ട​റി​ലാണ് ഷെല്ലുകളും മോർട്ടാറും ഉപയോഗിച്ച് അർധരാത്രിയിൽ ആക്രമണം നടത്തിയത്. നി​ര​വ​ധി വീ​ടു​ക​ൾ​ക്ക് തീ​പി​ടി​ച്ചു. അതിനിടെ, ഉറിയിൽ നാഷണൽ ഹൈഡ്രോ പവർ കോർപറേഷൻ (എൻ.എച്ച്.പി.സി) ഓഫീസിന് സമീപം ഷെല്ലുകൾ പതിച്ചതായും സ്ഥിരീകരിക്കാത്ത റിപ്പോർട്ടുണ്ട്.

അതേസമയം, പ്രകോപനമില്ലാതെയുള്ള പാക് ഷെല്ലാക്രമണത്തിനെതിരെ അതിശക്തമായി ഇന്ത്യൻ സൈന്യം തിരിച്ചടിച്ചു. തി​രി​ച്ച​ടി​യി​ൽ പാ​കി​സ്താ​ൻ ഭാ​ഗ​ത്ത് നി​ര​വ​ധി മ​ര​ണ​മു​ണ്ടാ​യ​താ​യും നി​ര​വ​ധി സൈ​നി​ക പോ​സ്റ്റു​ക​ൾ ത​ക​ർ​ത്ത​താ​യും അ​ധി​കൃ​ത​ർ പ​റ​ഞ്ഞു. പാക് വെടിവെപ്പ് ആരംഭിച്ചതിന് പിന്നാലെ കർണായിലെ പ്രദേശവാസികളെ സുരക്ഷിത സ്ഥലങ്ങളിലേക്ക് സൈന്യം മാറ്റിയിരുന്നു.

അതേസമയം, പൂ​ഞ്ച് ജി​ല്ല​യി​ൽ കഴിഞ്ഞ ദിവസം പാ​ക് സേന നടത്തിയ ഷെ​ല്ലാ​ക്ര​മ​ണ​ത്തി​ൽ ഇന്ത്യൻ സൈനികൻ വീരമൃത്യു വരിച്ചു. ലാൻസ് നായിക് ദിനേശ് കുമാറാണ് വീരമൃത്യു വരിച്ചത്. വെ​ടി​വെ​പ്പി​ലും ഷെ​ല്ലാ​ക്ര​മ​ണ​ത്തി​ലും നാ​ല് കു​ട്ടി​ക​ൾ ഉ​ൾ​പ്പെ​ടെ 14 ​പേർ മ​രി​ച്ചിരുന്നു. 57 പേ​ർ​ക്ക് പ​രി​ക്കേ​റ്റു.

പൂ​ഞ്ച് ജി​ല്ല​യി​ലാ​ണ് പാ​ക് സൈ​ന്യ​ത്തി​​ന്റെ ഏ​റ്റ​വും ക​ന​ത്ത ആ​ക്ര​മ​ണ​മു​ണ്ടാ​യ​ത്. ഇ​വി​ടെ 42 പേ​ർ​ക്ക് പ​രി​ക്കേ​റ്റു. ഇ​വ​രി​ൽ ചി​ല​രു​ടെ നി​ല ഗു​രു​ത​ര​മാ​ണെ​ന്നാ​ണ് സൂ​ച​ന. പൂ​ഞ്ച് ജി​ല്ലാ ആ​സ്ഥാ​നം, ബാ​ലാ​ക്കോ​ട്ട്, മെ​ന്ദ​ർ, മാ​ങ്കോ​ട്ട്, കൃ​ഷ്ണ ഗാ​ട്ടി, ഗു​ൽ​പൂ​ർ, കേ​ർ​ണി എ​ന്നി​വി​ട​ങ്ങ​ളി​ലെ​ല്ലാം ഷെ​ല്ലാ​ക്ര​മ​ണ​മു​ണ്ടാ​യി. ഇ​വി​ട​ങ്ങ​ളി​ൽ നി​ര​വ​ധി വീ​ടു​ക​ൾ​ക്ക് കേ​ടു​പാ​ടു​ണ്ടാ​യി.

ബാ​രാ​മു​ള്ള ജി​ല്ല​യി​ലെ ഉ​റി സെ​ക്ട​റി​ലു​ണ്ടാ​യ പാ​ക് ഷെ​ല്ലാ​ക്ര​മ​ണ​ത്തി​ൽ അ​ഞ്ച് കു​ട്ടി​ക​ൾ ഉ​ൾ​പ്പെ​ടെ 10 പേ​ർ​ക്കും ര​ജൗ​റി ജി​ല്ല​യി​ൽ മൂ​ന്ന് പേ​ർ​ക്കും പ​രി​ക്കേ​റ്റിരുന്നു.