ഓമശ്ശേരി: വിശ്രുത പണ്ഡിതനും സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ-ഫത്‌ വ കമ്മിറ്റികളിൽ അംഗവുമായിരുന്ന മർഹൂം ശൈഖുനാ പി.സി.കുഞ്ഞാലൻകുട്ടി മുസ്‌ലിയാരുടെ ഇരുപത്തി ഏഴാം ചരമ വാർഷികത്തോടനുബന്ധിച്ച്‌ അമ്പലക്കണ്ടി പുതിയോത്ത്‌ മഹല്ല് കമ്മിറ്റി സംഘടിപ്പിച്ച ചതുർ ദിന ഉറൂസ്‌ മുബാറകിന്‌ പുതിയോത്ത്‌ ജുമാ മസ്ജിദ്‌ പരിസരത്ത്‌ ഭക്തി നിർഭരമായ തുടക്കം.

ആദ്യ ദിന പ്രഭാഷണ സദസ്സ്‌ മുൻ എം.എൽ.എ.യും മുസ്‌ലിം ലീഗ്‌ സംസ്ഥാന സെക്രട്ടറിയേറ്റ്‌ മെമ്പറുമായ വി.എം.ഉമർ മാസ്റ്റർ ഉൽഘാടനം ചെയ്തു.സുന്നി യുവജന സംഘം സംസ്ഥാന സെക്രട്ടറി അബ്ദുസ്സ്വമദ്‌ പൂക്കോട്ടൂർ മുഖ്യ പ്രഭാഷണം നടത്തി.മഹല്ല് വൈസ്‌ പ്രസിഡണ്ട്‌ പി.വി.മൂസ മുസ്‌ലിയാർ അദ്ധ്യക്ഷത വഹിച്ചു.ഖത്തീബ്‌ പി.സി.ഉബൈദ്‌ ഫൈസി പ്രാർത്ഥനക്ക്‌ നേതൃത്വം നൽകി.മുദരിസ്‌ അൻസാർ അൻവരി പള്ളിക്കുറുപ്പ്‌, കെ.കെ.അബ്ദുൽ റസാഖ്‌ ദാരിമി നടമ്മൽ പൊയിൽ(ദുബൈ),മഹല്ല് പ്രസിഡണ്ട്‌ മഠത്തിൽ മുഹമ്മദ്‌ ഹാജി,ജന:സെക്രട്ടറി കെ.മുഹമ്മദ്‌ ബാഖവി,കെ.ഹുസൈൻ ബാഖവി,യൂനുസ്‌ അമ്പലക്കണ്ടി,കുഞ്ഞബ്ദുല്ല വാഫി,ഹാഫിള്‌ മൗലവി ഇഫ്തിഖാർ അഹ്മദ്‌ എന്നിവർ പ്രസംഗിച്ചു.മഹല്ല് കമ്മിറ്റിയംഗങ്ങളായ അബു മൗലവി അമ്പലക്കണ്ടി സ്വാഗതവും നെരോത്ത്‌ മുഹമ്മദ്‌ ഹാജി നന്ദിയും പറഞ്ഞു.

ഇന്ന് സുബ്‌ഹി നിസ്കാരാനന്തരം  ഖത്തം തുടങ്ങൽ നടന്നു.ചടങ്ങിനോടനുബന്ധിച്ച്‌ നടന്ന നസ്വീഹത്തിനും ഖബർ സിയാറത്തിനും പ്രാർത്ഥനക്കും പ്രമുഖ പണ്ഡിതന്മാർ നേതൃത്വം നൽകി.തുടർന്ന് നടന്ന പാരന്റിംഗ്‌ മീറ്റിന്‌ ട്രെയിനറും ലൈഫ്‌ സ്കിൽ കോച്ചുമായ ഇഖ്‌ബാൽ വാഫി വേങ്ങര നേതൃത്വം നൽകി.നാളെ (വെള്ളി)രാവിലെ 7 മണിക്ക്‌ പൂർവ്വ വിദ്യാർത്ഥി സംഗമം നടക്കും.മഗ്‌രിബ്‌ നിസ്കാരാനന്തരം പ്രഭാഷണ സദസ്സ്‌ പുതിയോത്ത്‌ ഖത്തീബ്‌ പി.സി.ഉബൈദ്‌ ഫൈസി ഉൽഘാടനം ചെയ്യും.സയ്യിദ്‌ മഅശൂഖ്‌ ഹുദവി കുറുമ്പത്തൂർ പ്രഭാഷണം നടത്തും.

ശനിയാഴ്ച്ച ഉറൂസിന്‌ സമാപനം കുറിക്കും.രാവിലെ 10 മണിക്ക്‌ അനുസ്മരണ സമ്മേളനം 'സമസ്ത' മുശാവറ അംഗം എൻ.അബ്ദുല്ല ഫൈസി ഉൽഘാടനം ചെയ്യും.അബൂബക്കർ ഫൈസി മലയമ്മ അനുസ്മരണ പ്രഭാഷണം നടത്തും.മുഹമ്മദ്‌ ഹൈത്തമി വാവാട്‌ ദിക്‌ർ മജ്‌ലിസിനും ഖത്തം ദുആക്കും നേതൃത്വം നൽകും.മദീനയിൽ നിന്നും ഖുർആൻ ഹിഫ്‌ളിൽ സനദ്‌ നേടിയ ഹാഫിള്‌ യു.പി.അബൂബക്കർ ഫൈസിക്ക്‌ മഹല്ല് കമ്മിറ്റിയുടെ ഉപഹാരം പഞ്ചായത്ത്‌ പ്രസിഡണ്ട്‌ പി.അബ്ദുൽ നാസർ സമർപ്പിക്കും.സമാപന ചടങ്ങിൽ നിരവധി സാദാത്തുക്കളും പണ്ഡിതന്മാരും ഉമറാക്കളും സംബന്ധിക്കും.തുടർന്ന് അന്നദാനവും നടക്കും.

ഫോട്ടോ:പി.സി.കുഞ്ഞാലൻ കുട്ടി മുസ്‌ലിയാർ ഇരുപത്തി ഏഴാം ഉറൂസ്‌ മുബാറകിന്റെ ആദ്യ ദിനത്തിലെ പ്രഭാഷണ സദസ്സ്‌ മുൻ എം.എൽ.എ.വി.എം.ഉമർ മാസ്റ്റർ ഉൽഘാടനം ചെയ്യുന്നു.അബ്ദുസ്സ്വമദ്‌ പൂക്കോട്ടൂർ സമീപം.

Post a Comment

أحدث أقدم