കൂടരഞ്ഞി സെൻ്റ് സെബാസ്റ്റ്യൻസ് ഹയർ സെക്കൻ്ററി സ്കൂളിൻ്റെ 61 - ാം വാർഷികാഘോഷവും സർവീസിൽ നിന്നു വിരമിക്കുന്ന അധ്യാപകരായ ബീന ജേക്കബ് , ഇമ്മാനുവൽ വി എം , ബെന്നി സെബാസ്റ്റ്യൻ എന്നിവർക്കുള്ള യാത്രയയപ്പും നടത്തി.
സ്കൂൾ മാനേജർ റവ ഫാ. റോയി തേക്കുംകാട്ടിൽ അധ്യക്ഷത വഹിച്ച പ്രൗഢഗംഭീരമായ ചടങ്ങ് , കൂടരഞ്ഞി ഗ്രാമപഞ്ചായത്ത് പ്രസിഡൻ്റ് ആദർശ് ജോസഫ് ഉദ്ഘാടനം ചെയ്തു.
കോർപറേറ്റ് മാനേജർ റവ. ഫാ. ജോസഫ് വർഗീസ് പാലക്കാട്ട് മുഖ്യപ്രഭാഷണം നടത്തി.
സ്കൂൾ പ്രിൻസിപ്പാൾ ബോബി ജോർജ് സ്വാഗതം ആശംസിക്കുകയും ഹെഡ്മാസ്റ്റർ സജി ജോൺ 2023 - 24 അധ്യയന വർഷത്തെ റിപ്പോർട്ട് അവതരിപ്പിക്കുകയും ചെയ്തു.
വി എസ്. രവീന്ദ്രൻ ( ആരോഗ്യ - വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ) , ജോസ് മോൻ മാവറ ( വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ) , സിസ്റ്റർ. ലൗലി ടി ജോർജ് ( ഹെഡ്മിസ്ട്രസ് ) , ജോസ് ഞാവള്ളിൽ ( പി ടി എ പ്രസിഡൻ്റ് ) , ജീജ ജോസഫ് ( എം പി ടി എ പ്രസിഡൻ്റ് ), സജി മാത്യു ( അധ്യാപക പ്രതിനിധി ) , കുമാരി. ലിയ കെ ബാബു ( വിദ്യാർഥി പ്രതിനിധി) എന്നിവർ ആശംസകളർപ്പിച്ചു.
ടീന മാത്യു ചടങ്ങിന് നന്ദി പറഞ്ഞു.
പൊതുചടങ്ങിനു ശേഷം കുട്ടികളുടെ ആകർഷകമായ കലാപരിപാടികൾ നടന്നു.
إرسال تعليق