ഓമശ്ശേരി: 2023-24 വാർഷിക പദ്ധതി തയ്യാറാക്കുന്നതിന്റെ ഭാഗമായി ഓമശ്ശേരിയിൽ പഞ്ചായത്ത്‌ ഭരണസമിതി വികസന സെമിനാർ സംഘടിപ്പിച്ചു.കമ്മ്യൂണിറ്റി ഹാളിൽ പഞ്ചായത്ത്‌ പ്രസിഡണ്ട്‌ പി.അബ്ദുൽ നാസർ ഉൽഘാടനം ചെയ്തു.വികസന സ്റ്റാന്റിംഗ്‌ കമ്മിറ്റി ചെയർമാൻ യൂനുസ്‌ അമ്പലക്കണ്ടി അദ്ധ്യക്ഷത വഹിച്ചു.ആരോഗ്യ-വിദ്യാഭ്യാസ സ്റ്റാന്റിംഗ്‌ കമ്മിറ്റി ചെയർമാൻ സൈനുദ്ദീൻ കൊളത്തക്കര സ്വാഗതം പറഞ്ഞു.
ക്ഷേമകാര്യ സ്റ്റാന്റിംഗ്‌ കമ്മിറ്റി ചെയർപേഴ്സൺ ഒ.പി.സുഹറ,ആസൂത്രണ സമിതി ഉപാദ്ധ്യക്ഷൻ കെ.കെ.അബ്ദുല്ലക്കുട്ടി,പഞ്ചായത്ത്‌ മെമ്പർമാരായ പി.കെ.ഗംഗാധരൻ,മൂസ നെടിയേടത്ത്‌,മുൻ പഞ്ചായത്ത്‌ പ്രസിഡണ്ടുമാരായ പി.വി.അബ്ദുൽ റഹ്മാൻ മാസ്റ്റർ,സി.കെ.ഖദീജ മുഹമ്മദ്‌, പഞ്ചായത്ത്‌ സെക്രട്ടറി ദീപുരാജു,യു.കെ.അബു ഹാജി,കെ.പി.അഹമ്മദ്‌ കുട്ടി മാസ്റ്റർ,പി.കെ.രാമൻ കുട്ടി മാസ്റ്റർ എന്നിവർ പ്രസംഗിച്ചു.പഞ്ചായത്ത്‌ മെമ്പർമരായ എം.ഷീജ ബാബു,കെ.കരുണാകരൻ മാസ്റ്റർ,സി.എ.ആയിഷ ടീച്ചർ,ഫാത്വിമ അബു,അശോകൻ പുനത്തിൽ,പി.ഇബ്രാഹീം ഹാജി,സീനത്ത്‌ തട്ടാഞ്ചേരി,എം.ഷീല എന്നിവർ ചർച്ചകൾക്ക്‌ നേതൃത്വം നൽകി.
പതിനാല്‌ വർക്കിംഗ്‌ ഗ്രൂപ്പുകളായി തിരിഞ്ഞ്‌ കരട്‌ പദ്ധതിരേഖ ചർച്ച ചെയ്തു.സമൂഹത്തിന്റെ വിവിധ തുറകളിലുള്ളവർ പങ്കെടുത്തു.ചർച്ചകളുടെ ക്രോഡീകരണത്തിന്‌ നിർവ്വഹണ ഉദ്യോഗസ്ഥർ നേതൃത്വം നൽകി.അവസ്ഥാ രേഖ കാലോചിതമായി പരിഷ്കരിക്കുന്നതിനുള്ള പ്രവർത്തനങ്ങളുടെ പുരോഗതി സെമിനാർ വിലയിരുത്തി.വികസന ഫണ്ടിലേയും മെയിന്റനൻസ്‌ ഫണ്ടിലേയും വിവിധ വിഭാഗങ്ങളിൽ 2022-23 ൽ പഞ്ചായത്തിനു ലഭിച്ച ഫണ്ടിനെ അടിസ്ഥാനമാക്കിയാണ്‌ 2023-24 വർഷത്തെ പദ്ധതികൾ തയ്യാറാക്കുന്നത്‌.
അതിദരിദ്ര നിർമ്മാർജ്ജനം,ലൈഫ്‌ ഭവന പദ്ധതിയിലെ വീട്‌ നിർമ്മാണം,ഖര-ദ്രവ മാലിന്യ പരിപാലനം,പ്രാദേശിക സാമ്പത്തിക വികസനം,ദുരന്ത നിവാരണം,ആനിമൽ ബെർത്ത്‌ കൺ ട്രോൾ(എ.ബി.സി) തുടങ്ങിയവക്ക്‌ പ്രാമുഖ്യം നൽകി അടുത്ത സാമ്പത്തിക വർഷത്തെ പദ്ധതി തയ്യാറാക്കുന്നതിനാണ്‌ ഭരണസമിതിയുടെ തീരുമാനം.കുടുംബശ്രീയുടെ നേതൃത്വത്തിൽ ക്രോഡീകരിക്കുന്ന ഗ്രാമ ദാരിദ്ര്യ ലഘൂകരണ പദ്ധതിയിലെ നിർദേശങ്ങൾക്ക്‌ വാർഷിക പ്രോജക്റ്റിൽ പ്രത്യേക പരിഗണന നൽകുന്നുണ്ട്‌.തൊഴിലുറപ്പ്‌ പദ്ധതിയുമായി സംയോജിപ്പിച്ച്‌ നടപ്പിലാക്കാനാവുന്ന പദ്ധതികൾ തയ്യാറാക്കുന്നതിനുള്ള പ്രവർത്തനങ്ങൾക്കും ഭരണസമിതി തുടക്കം കുറിച്ചിട്ടുണ്ട്‌.അടുത്ത സാമ്പത്തിക വർഷത്തിന്റെ ആദ്യത്തിൽ തന്നെ പദ്ധതികൾ നിർവ്വഹണം നടത്തിത്തുടങ്ങാൻ അനുയോജ്യമായ രീതിയിലാണ്‌ അനുബന്ധ പ്രവർത്തനങ്ങൾ ഓമശ്ശേരി പഞ്ചായത്തിൽ പുരോഗമിക്കുന്നത്‌.
ഫോട്ടോ:ഓമശ്ശേരി പഞ്ചായത്ത്‌ ഭരണസമിതി സംഘടിപ്പിച്ച 2023-24 വാർഷിക പദ്ധതി സെമിനാർ പഞ്ചായത്ത്‌ പ്രസിഡണ്ട്‌ പി.അബ്ദുൽ നാസർ ഉൽഘാടനം ചെയ്യുന്നു.
Post a Comment