ഓമശ്ശേരി:പഞ്ചായത്ത്‌ ഭരണ സമിതി 2022-23 വാർഷിക പദ്ധതിയിലുൾപ്പെടുത്തി ഓമശ്ശേരിയിൽ വയോജനങ്ങൾക്ക്‌ കട്ടിലുകൾ വിതരണം ചെയ്തു.19 വാർഡുകളിൽ നിന്നുമുള്ള 60 വയസ്സ്‌ കഴിഞ്ഞ അപേക്ഷകരിൽ നിന്നും തെരഞ്ഞെടുക്കപ്പെട്ട 121 പേർക്കാണ്‌ സൗജന്യമായി കട്ടിലുകൾ നൽകിയത്‌.4,95,900 രൂപ ചെലവഴിച്ചാണ്‌ പദ്ധതി നടപ്പിലാക്കിയത്‌.
പുത്തൂരിൽ നടന്ന ചടങ്ങിൽ പഞ്ചായത്ത്‌ പ്രസിഡണ്ട്‌ പി.അബ്ദുൽ നാസർ പഞ്ചായത്ത്തല വിതരണോൽഘാടനം നിർവ്വഹിച്ചു.പഞ്ചായത്ത്‌ വികസന സ്ഥിരം സമിതി ചെയർമാൻ യൂനുസ്‌ അമ്പലക്കണ്ടി അദ്ധ്യക്ഷത വഹിച്ചു.ക്ഷേമകാര്യ സ്ഥിരം സമിതി അദ്ധ്യക്ഷ ഒ.പി.സുഹറ സ്വാഗതം പറഞ്ഞു.ആരോഗ്യ-വിദ്യാഭ്യാസ സ്ഥിരം സമിതി അദ്ധ്യക്ഷൻ സൈനുദ്ദീൻ കൊളത്തക്കര,ഐ.സി.ഡി.എസ്‌.സൂപ്പർവൈസർ വി.എം.രമാദേവി,പഞ്ചായത്തംഗങ്ങളായ എം.ഷീജ ബാബു,കെ.കരുണാകരൻ മാസ്റ്റർ,എം.എം.രാധാമണി ടീച്ചർ,പി.കെ.ഗംഗാധരൻ,സി.എ.ആയിഷ ടീച്ചർ,അശോകൻ പുനത്തിൽ,മൂസ നെടിയേടത്ത്‌,പി.ഇബ്രാഹീം ഹാജി,സീനത്ത്‌ തട്ടാഞ്ചേരി,കെ.ആനന്ദ കൃഷ്ണൻ,പങ്കജവല്ലി എന്നിവർ പ്രസംഗിച്ചു.കട്ടിലുകളുടെ വിതരണ പ്രവർത്തനങ്ങൾക്ക്‌ അങ്കണവാടി അധ്യാപികമാർ നേതൃത്വം നൽകി.
ഫോട്ടോ:ഓമശ്ശേരിയിൽ വയോജനങ്ങൾക്ക്‌ കട്ടിൽ വിതരണോൽഘാടനം പഞ്ചായത്ത്‌ പ്രസിഡണ്ട്‌ പി.അബ്ദുൽ നാസർ നിർവ്വഹിക്കുന്നു.
Post a Comment