മനമുരുകി തീർഥാടക ലക്ഷങ്ങൾ; അറഫാസംഗമം ഇന്ന്

മ​ക്ക: മ​ന​മു​രു​കു​ന്ന പ്രാ​ർ​ഥ​ന​യോ​ടെ തീ​ർ​ഥാ​ട​ക ല​ക്ഷ​ങ്ങ​ൾ ഇ​ന്ന് അ​റ​ഫ​യി​ൽ സം​ഗ​മി​ക്കും. ഹ​ജ്ജി​​ന്റെ പ​ര​മ​പ്ര​ധാ​ന ച​ട​ങ്ങാ​യ അ​റ​ഫ സം​ഗ​മ​ത്തി​ന് തു​ട​ക്കം​കു​റി​ച്ച് ലോ​ക​ത്തി​​ന്റെ അ​ഷ്​​ട​ദി​ക്കു​ക​ളി​ൽ​നി​ന്നെ​ത്തി​യ അ​ല്ലാ​ഹു​വി​ന്റെ അ​തി​ഥി​ക​ൾ ഇ​വി​ടെ ഒ​രു​മി​ച്ചു​കൂ​ടും. രാ​വും പ​ക​ലും ഭ​ക്തി​യു​ടെ നി​റ​വി​ൽ ഒ​ഴു​കി​യെ​ത്തു​ന്ന ശു​ഭ്ര​വ​സ്ത്ര​ധാ​രി​ക​ളു​ടെ സം​ഗ​മം അ​റ​ഫ​​യി​ൽ ക​ൺ​കു​ളി​ർ​മ​യു​ള്ള കാ​ഴ്ച​യാ​വും. ആ​ഭ്യ​ന്ത​ര, വി​ദേ​ശ തീ​ർ​ഥാ​ട​ക​ര​ട​ക്കം 20 ല​ക്ഷ​ത്തി​ലേ​റെ പേ​ർ ഇ​ന്ന് അ​റ​ഫ​യി​ൽ എ​ത്തു​ന്ന​തോ​ടെ ലോ​ക​ത്തെ ഏ​റ്റ​വും വ​ലി​യ മ​നു​ഷ്യ മ​ഹാ​സം​ഗ​മ​ത്തി​നാ​ണ് മൈ​താ​നം സാ​ക്ഷി​യാ​വു​ക.

വി​ശാ​ല​മാ​യ അ​റ​ഫ മൈ​താ​ന​ത്തെ ന​മി​റ മ​സ്ജി​ദി​ൽ ന​ട​ക്കു​ന്ന പ്ര​ഭാ​ഷ​ണ​ത്തോ​ടെ​യാ​ണ് സം​ഗ​മ​ത്തി​ന് തു​ട​ക്ക​മാ​വു​ക. തി​ങ്ക​ളാ​ഴ്ച രാ​ത്രി​ത​ന്നെ തീ​ർ​ഥാ​ട​ക ല​ക്ഷ​ങ്ങ​ൾ അ​റ​ഫ ല​ക്ഷ്യ​മാ​ക്കി നീ​ങ്ങി​ത്തു​ട​ങ്ങി​യി​രു​ന്നു. ചൊ​വ്വാ​ഴ്ച മ​ധ്യാ​ഹ്നം മു​ത​ൽ സൂ​ര്യാ​സ്ത​മ​യം വ​രെ​യാ​ണ് അ​റ​ഫ​യി​ൽ ഹാ​ജി​മാ​ർ സം​ഗ​മി​ക്കു​ക. പ്ര​വാ​ച​ക​ൻ മു​ഹ​മ്മ​ദ് ന​ബി അ​ദ്ദേ​ഹ​ത്തി​​ന്റെ ഹ​ജ്ജ് വേ​ള​യി​ൽ ന​ട​ത്തി​യ ച​രി​ത്ര​പ്രാ​ധാ​ന്യ​മു​ള്ള പ്ര​ഭാ​ഷ​ണ​ത്തെ അ​നു​സ്മ​രി​ച്ച് മ​സ്ജി​ദു​ന്ന​മി​റ​യി​ൽ മു​തി​ർ​ന്ന പ​ണ്ഡി​ത​സ​ഭാം​ഗ ശൈ​ഖ് ഡോ. ​യൂ​സു​ഫ് ബി​ൻ മു​ഹ​മ്മ​ദ് ബി​ൻ സ​ഈ​ദ് അ​റ​ഫ പ്ര​ഭാ​ഷ​ണം നി​ർ​വ​ഹി​ക്കും.

തു​ട​ർ​ന്ന് ളു​ഹ്ർ, അ​സ്ർ ന​മ​സ്കാ​ര​ങ്ങ​ൾ ചു​രു​ക്കി ന​മ​സ്ക​രി​ക്കും. വൈ​കീ​ട്ടു​വ​രെ പാ​പ​മോ​ച​ന പ്രാ​ർ​ഥ​ന​ക​ളും ദൈ​വ​സ്മ​ര​ണ​യു​മാ​യി തീ​ർ​ഥാ​ട​ക​ർ അ​റ​ഫ​യി​ൽ നി​ൽ​ക്കും. തി​ങ്ക​ളാ​ഴ്ച രാ​ത്രി​മു​ത​ൽ അ​റ​ഫ​യി​ലേ​ക്കു​ള്ള ഓ​രോ കൈ​വ​ഴി​യും ചെ​റു​തും വ​ലു​തു​മാ​യ തീ​ർ​ഥാ​ട​ക സം​ഘ​ങ്ങ​ളെ​ക്കൊ​ണ്ട് ക​വി​ഞ്ഞൊ​ഴു​കു​ക​യാ​ണ്. മ​ക്ക​യി​ലെ ആ​ശു​പ​ത്രി​ക​ളി​ൽ ക​ഴി​യു​ന്ന വി​വി​ധ ദേ​ശ​ക്കാ​രാ​യ തീ​ർ​ഥാ​ട​ക​രെ, ഉ​ച്ച​യോ​ടെ ആം​ബു​ല​ൻ​സ് വ​ഴി​യും തീ​വ്ര​പ​രി​ച​ര​ണ വി​ഭാ​ഗ​ത്തി​ൽ പ്ര​വേ​ശി​പ്പി​ച്ച​വ​രെ എ​യ​ർ ആം​ബു​ല​ൻ​സ് വ​ഴി​യും അ​റ​ഫ​യി​ൽ എ​ത്തി​ക്കും.