തിരുവനന്തപുരം:
വടക്കന്‍ ജില്ലകളില്‍ കനത്ത മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
നാല് ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചു.
കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് ഓറഞ്ച് അലേര്‍ട്ട്.
ഏഴ് ജില്ലകളില്‍ യെല്ലോ അലേര്‍ട്ടും പ്രഖ്യാപിച്ചു. എറണാകുളം, ഇടുക്കി, പാലക്കാട്, തൃശൂര്‍, മലപ്പുറം, കോട്ടയം, ആലപ്പുഴ ജില്ലകളിലാണ് യെല്ലോ അലേര്‍ട്ട്.
വടക്കന്‍ കേരളത്തില്‍ ഒറ്റപ്പെട്ട ശക്തമായ മഴ തുടരുകയാണ്. കണ്ണൂരില്‍ ഇന്നലെ രാത്രി വരെ ശക്തമായി പെയ്ത മഴയ്ക്ക് ഇന്ന് ശമനമുണ്ട്. അന്തരീക്ഷം മേഘാവൃതമാണ്. കനത്ത മഴയെ തുടര്‍ന്ന് കോളയാട് നിര്‍മ്മാണത്തിലിരുന്ന വീട് തകര്‍ന്നു. പെരുവയില്‍ ബാബുവിന്റെ വീടാണ് നിലം പതിച്ചത്. വയനാട്ടില്‍ മഴ തുടരുന്നുണ്ട്. താഴ്ന്ന പ്രദേശങ്ങളില്‍ വെള്ളം കയറി തുടങ്ങി. കല്‍പ്പറ്റ പുത്തൂര്‍ വയലില്‍ കാര്‍ വെള്ളക്കെട്ടിലേക്ക് മറിഞ്ഞു. യാത്രക്കാരെ രക്ഷപ്പെടുത്തി.
മലപ്പുറത്ത് തീരപ്രദേശങ്ങളില്‍ ഇടവിട്ട് മഴയുണ്ട്. പോത്തുകല്ലില്‍ കിണര്‍ ഇടിഞ്ഞു താഴ്ന്നു. നെട്ടിക്കുളം ജോര്‍ജിന്റെ വീട്ടിലെ കിണറാണ് ഇടിഞ്ഞു താഴ്ന്നത്.
കോഴിക്കോട് മലയോര മേഖലകളിലാണ് കനത്ത മഴ. കാരശ്ശേരി പഞ്ചായത്തിലെ വല്ലത്തായിപാറ പാലത്തില്‍ വെള്ളം കയറി. ഇരവഴിഞ്ഞിപ്പുഴയും ചെറുപുഴയും കരകവിഞ്ഞൊഴുകി.
إرسال تعليق