പുതുപ്പാടി : പുതുപ്പാടി ഗവൺമെൻറ് ഹയർ സെക്കൻഡറി സ്കൂളിൽ കിച്ചൻ കം ഡൈനിങ് റൂം ഉദ്ഘാടനം നിർവഹിച്ചു .
കോഴിക്കോട് ജില്ലാ പഞ്ചായത്ത് 14 ലക്ഷം രൂപ ചെലവഴിച്ചാണ് പദ്ധതി നടപ്പിലാക്കിയത്.
50 കുട്ടികൾക്ക് ഒരേസമയം ഇരുന്ന് ഭക്ഷണം കഴിക്കാൻ സാധിക്കുന്ന തരത്തിൽ ഉള്ള സംവിധാനങ്ങനങ്ങളോട് കൂടിയാണ് കിച്ചൻ കം ഡൈനിങ് റൂം ക്രമീകരിച്ചിരിക്കുന്നത്.
ജില്ലാ പഞ്ചായത്ത് പ്രസിഡണ്ട് ഷീജ ശശി ഉദ്ഘാടനം നിർവഹിച്ചു.
ജില്ലാ പഞ്ചായത്ത് മെമ്പർ അംബിക മംഗലത്ത് അധ്യക്ഷ ആയിരുന്നു.
പിടിഎ പ്രസിഡണ്ട് ഒതയോത്ത് അഷറഫ് സ്വാഗതം ആശംസിച്ചു.
പുതുപ്പാടി ഗ്രാമപഞ്ചായത്ത് മെമ്പർ അമൽരാജ് ,ഹയർസെക്കൻഡറി പ്രിൻസിപ്പൽ പ്രിയ പ്രോത്താസിസ് ,സ്കൂൾ വികസന സമിതി വർക്കിംഗ് ചെയർമാൻ ബിജു വാച്ചാലിൽ , മുൻ പി ടി എ പ്രസിഡൻറ് കെ ശശീന്ദ്രൻ , പി ടി എ വൈസ് പ്രസിഡണ്ട് കെ കെ ഹംസ, പി.ടി എ അംഗം മമ്മി മണ്ണിൽ എന്നിവർ ആശംസകൾ അർപ്പിച്ച് സംസാരിച്ചു.
സീനിയർ അസിസ്റ്റന്റ് ശ്രീലത ടി.വി, അശോകൻ മാസ്റ്റർ,സുഹൈൽ വി.കെ. എന്നിവർ ചടങ്ങിൽ സംബന്ധിച്ചു.
സ്കൂളിന്റെ ഭൗതിക സൗകര്യങ്ങൾ കൂടുതൽ മെച്ചപ്പെടുത്താനാവശ്യപ്പെട്ടുകൊണ്ടുളള നിവേദനം പ്രധാന അധ്യാപകൻ ഇ. ശ്യാംകുമാർ ജില്ലാ പഞ്ചായത്ത് പ്രസിഡണ്ടിന് സമർപ്പിച്ചു.
ചടങ്ങിനോടനുബന്ധിച്ച് ഹാമർത്രോ ഇനത്തിൽ സംസ്ഥാനതലത്തിലേക്ക് സെലക്ഷൻ ലഭിച്ച സഞ്ജയ് കെവി ,യു.എസ്.എസ് സ്കോളർഷിപ്പ് ലഭിച്ച ശ്രീഹരി ,ഹാദിയ ഇൻസാഫ്, ലിയാന ഫെമി എന്നീ വിദ്യാർത്ഥികളെ അനുമോദിച്ചു.
ചടങ്ങിൽ ജില്ലാ പഞ്ചായത്ത് പ്രസിഡണ്ട് ഷീജ ശശി ജില്ലാ പഞ്ചായത്ത് മെമ്പർ അംബിക മംഗലത്ത് എന്നിവർ ചേർന്ന് സ്കൂൾ
അക്കാദമിക് മാസ്റ്റർ പ്ലാൻ പ്രകാശനം നിർവഹിച്ചു.
Post a Comment