ഓമശ്ശേരി:
പഞ്ചായത്തിലെ 32 അങ്കണവാടികളിൽ നിന്നുള്ള മുന്നൂറ്റി അമ്പതിൽ പരം പിഞ്ചുകുട്ടികളുടെ കലാപരിപാടികൾ (അങ്കണവാടി കലോൽസവം-ശലഭം-25)നാടിന്റെ ആഘോഷമായി മാറി.കുരുന്നുകളുടെ സർഗ്ഗവസന്തം വിരിഞ്ഞ ഒരു പകൽ നവ്യാനുഭവമായിരുന്നു.ആടിയും പാടിയും മണവാളനായും മണവാട്ടിയായും കുഞ്ഞുങ്ങൾ അരങ്ങ്‌ തകർത്തപ്പോൾ കാണികൾക്കത്‌ വിസ്മയമായി.വ്യക്തിഗത കലാ പരിപാടികളും ഗ്രൂപ്പ്‌ ഐറ്റംസുകളുമുൾപ്പടെ 66 ഇനങ്ങളിൽ നടന്ന ഏകദിന കലോൽസവം രക്ഷിതാക്കളും അധ്യാപികമാരും ഹെൽപർമാരും നാട്ടുകാരുമുൾപ്പടെ നൂറുകണക്കിനാളുകൾ തിങ്ങി നിറഞ്ഞ ശ്രോതാക്കളിൽ പുതുമയും ആവേശവും വിതറുന്നതായിരുന്നു.ഒപ്പന,ഡാൻസ്‌,ആംഗ്യപ്പാട്ടുകൾ,നിശ്ചല ദൃശ്യങ്ങൾ ഉൾപ്പടെയുള്ള കലാപരിപാടികൾ നിറഞ്ഞ കയ്യടികളോടെയാണ്‌ സദസ്സ്‌ വരവേറ്റത്‌.
വെളിമണ്ണ സ്കൂളിൽ നടന്ന പഞ്ചായത്ത്‌തല അങ്കണവാടി കലോൽസവം കാലത്ത്‌ പഞ്ചായത്ത്‌ പ്രസിഡണ്ട്‌ കെ.കരുണാകരൻ മാസ്റ്റർ ഉൽഘാടനം ചെയ്തു.ക്ഷേമകാര്യ സ്റ്റാന്റിംഗ്‌ കമ്മിറ്റി ചെയർപേഴ്സൺ സീനത്ത്‌ തട്ടാഞ്ചേരി അദ്ധ്യക്ഷത വഹിച്ചു.വൈസ്‌ പ്രസിഡണ്ട്‌ ഫാത്വിമ അബു,പഞ്ചായത്തംഗങ്ങളായ പി.അബ്ദുൽ നാസർ,എം.എം.രാധാമണി ടീച്ചർ,സി.എ.ആയിഷ ടീച്ചർ,അശോകൻ പുനത്തിൽ,ഇബ്രാഹീം ഹാജി പാറങ്ങോട്ടിൽ,കെ.ആനന്ദ കൃഷ്ണൻ,എം.ഷീല,സി.ഡി.പി.ഒ.കൊടുവള്ളി അഡീഷണൽ എൻ.പി.തസ്‌ലീന,ഐ.സി.ഡി.എസ്‌.സൂപ്പർ വൈസർ പി.എം.പ്രിയ,സ്കൂൾ പ്രധാനാധ്യാപകൻ അബ്ദുൽ ഖാദർ മാസ്റ്റർ,പി.ടി.എ.പ്രസിഡണ്ട്‌ സർത്താജ്‌ അഹമ്മദ്‌ എന്നിവർ സംസാരിച്ചു.
വൈകുന്നേരം നടന്ന സമാപന സംഗമം പഞ്ചായത്ത്‌ വികസന സ്റ്റാന്റിംഗ്‌ കമ്മിറ്റി ചെയർമാൻ യൂനുസ്‌ അമ്പലക്കണ്ടി ഉൽഘാടനം ചെയ്തു.ആരോഗ്യ-വിദ്യാഭ്യാസ സ്റ്റാന്റിംഗ്‌ കമ്മിറ്റി ചെയർമാൻ പി.കെ.ഗംഗാധരൻ അദ്ധ്യക്ഷത വഹിച്ചു.പഞ്ചായത്തംഗങ്ങളായ സൈനുദ്ദീൻ കൊളത്തക്കര,ഒ.പി.സുഹറ,എം.ഷീജ ബാബു,വിമൻസ്‌ ഫെസിലിറ്റേറ്റർ എൻ.വി.ശക്കീബ ശാഹിദ്‌,അങ്കണവാടി വർക്കർ റുഖിയ്യ ടീച്ചർ എന്നിവർ വിദ്യാർത്ഥികൾക്ക്‌ ഉപഹാരങ്ങൾ കൈമാറി.
ഫോട്ടോ:ഓമശ്ശേരി പഞ്ചായത്ത്‌ അങ്കണവാടി കലോൽസവം (ശലഭം-25) പഞ്ചായത്ത്‌ പ്രസിഡണ്ട്‌ കെ.കരുണാകരൻ മാസ്റ്റർ ഉൽഘാടനം ചെയ്യുന്നു.
إرسال تعليق