ഗോവ തീപിടുത്തത്തില് അനുശോചനം രേഖപ്പെടുത്തി പ്രധാനമന്ത്രി നരേന്ദ്രമോദി. അപകടത്തിന് ഇരയായവര്ക്ക് ധനസഹായം പ്രഖ്യാപിച്ചു. മരിച്ചവരുടെ കുടുംബത്തിന 2 ലക്ഷം രൂപയും പരുക്കേറ്റവര്ക്ക് 50,000 രൂപയും നല്കും.
ബാധിക്കപ്പെട്ടവരുടെ കുടുംബങ്ങള്ക്കൊപ്പമാണെന്നും പരുക്കേറ്റവര് എത്രയും പെട്ടന്ന് സുഖം പ്രാപിക്കട്ടെയെന്നും പ്രധാനമന്ത്രി പറഞ്ഞു. ഗോവ മുഖ്യമന്ത്രിയുമായി സംസാരിച്ചുവെന്നും സാധ്യമായ എല്ലാ സഹായങ്ങളും സംസ്ഥാന സര്ക്കാര് ചെയ്യുന്നുണ്ടെന്നും അദ്ദേഹം പറഞ്ഞു.
അപകടത്തില് രാഷ്ട്രപതി ദൗപതി മുര്മുവും ദുഃഖം രേഖപ്പെടുത്തി. ബാധിക്കപ്പെട്ടവര്ക്കൊപ്പമെന്നും പരുക്കേറ്റവര് എത്രയും പെട്ടന്ന് സുഖം പ്രാപിക്കാന് പ്രാര്ഥിക്കുന്നുവെന്നും രാഷ്ട്രപതി പറഞ്ഞു.
ഗോവയില് റെസ്റ്റോറന്റിലുണ്ടായ വന് തീപിടുത്തത്തില് 23 പേരാണ് മരിച്ചു. ഗ്യാസ് സിലിണ്ടര് പൊട്ടിത്തെറിച്ചാണ് തീപിടുത്തം ഉണ്ടായത്. നോര്ത്ത് ഗോവയിലെ അര്പോറയിലാണ് സംഭവം. റോമിയോ ലെയ്നിലെ ബിര്ച്ച് നൈറ്റ്ക്ലബിലാണ് അപകടം ഉണ്ടായത്. സംഭവത്തില് മുഖ്യമന്ത്രി പ്രമോദ് സാവന്ത് അന്വേഷണത്തിന് ഉത്തരവിട്ടു.
മരിച്ചവരില് ഭൂരിഭാഗവും ക്ലബ്ബിന്റെ തൊഴിലാളികളായിരുന്ന. അതില് മൂന്ന് സ്ത്രീകളും ഉള്പ്പെട്ടിരുന്നുവെന്ന് മുഖ്യമന്ത്രി പ്രമോദ് സാവന്ത് പറഞ്ഞു. മരിച്ചവരില് വിനോദസഞ്ചാരികള് ഉണ്ടായിരുന്നുവെന്നും അദ്ദേഹം കൂട്ടിച്ചേര്ത്തു. 23 പേരില് മൂന്ന് പേര് പൊള്ളലേറ്റും മറ്റുള്ളവര് ശ്വാസംമുട്ടിയുമാണ് മരിച്ചതെന്ന് മുഖ്യമന്ത്രി അറിയിച്ചു.
إرسال تعليق