കൊടുവള്ളി : കേരളത്തിലെ വിദ്യാലയങ്ങളിൽ കേരള വിദ്യാഭ്യാസ ചട്ടം പ്രകാരം നിയമിക്കപ്പെട്ട മുഴുവൻ അധ്യാപകർക്കും നിയമന അംഗീകാരം ഉടനെ നൽകണമെന്ന് കെ. പി. എസ്‌. ടി. എ കൊടുവള്ളി സബ്ബ് ജില്ലാ സമര പ്രഖ്യാപന കൺവെൻഷൻ സർക്കാരിനോട് ആവശ്യപ്പെട്ടു.
2018ന് ശേഷം നിയമിക്കപ്പെട്ട പതിനായിരത്തിൽപരം അധ്യാപകർ ഒരു വേതനവും ലഭിക്കാതെ വർഷങ്ങളായി ജോലി ചെയ്യുന്ന അവസ്ഥയാനുള്ളത്.
മുഴുവൻ അധ്യാപകർക്കും നിയമന അംഗീകാരം നൽകണമെന്ന് ആവശ്യപ്പെട്ടു കൊണ്ട് ജൂലൈ ഒന്നിന് നടക്കുന്ന സെക്കട്ടേറിയേറ്റ് മാർച്ച്‌ വിജയിപ്പിക്കാനും തീരുമാനച്ചു സബ്ബ് ജില്ലാ വൈസ് പ്രസിഡന്റ്‌ ഫസലുറഹ്മാൻ അധ്യക്ഷത വഹിച്ചു കെ. പി. എസ്‌. ടി. എ. സംസ്ഥാന നിർവാഹക സമിതി അംഗം പി. എം. ശ്രീജിത്ത്‌ ഉദ്ഘാടനം ചെയ്തു.
സബ്ബ് ജില്ലാ സെക്രട്ടറി രഞ്ജിത്ത്. കെ, ജില്ലാ ട്രഷറർ നീരജ് ലാൽ, ജില്ലാ പ്രസിഡന്റ്‌ ഷാജു. പി. കൃഷ്ണൻ, സംസ്ഥാന കൗൺസിലർ വി. ഷക്കീല വിദ്യാഭ്യാസ ജില്ലാ പ്രസിഡന്റ്‌ പി. സിജു, ബെന്നി ജോർജ്ജ്, ജ്യോതി. ജി.നായർ. എന്നിവർ സംസാരിച്ചു. ജില്ലാ വനിത ഫോറം കൺവീനറായി തെരഞ്ഞെടുക്കപ്പെട്ട ജ്യോതി. ജി. നായർക്ക്‌ സബ്ബ് ജില്ലാ കമ്മിറ്റിയുടെ സ്വീകരണം നൽകി.
Post a Comment