ചൂരക്കാട് (അഗസത്യൻമുഴി മുക്കം) :
സംസ്ഥാന സർക്കാരിന്റെ ഈ വർഷത്തെ മികച്ച അധ്യാപകനുള്ള പുരസ്‌കാരം നേടിയ അഷ്റഫ് മോളെയിലിന്, അദ്ദേഹത്തിന്റെ ഭാര്യ കുടുംബമായ ചൂരക്കാട് കുടുംബ കൂട്ടായ്മയുടെ നേതൃത്വത്തിൽ ഹൃദ്യമായ സ്വീകരണം നൽകി.
അധ്യാപകനെന്ന നിലയിൽ അഷ്റഫ് മോളെയിൽ നടത്തിയ സമഗ്ര സംഭാവനകളെയും, സമൂഹത്തിന് നൽകിയ സേവനങ്ങളെയും ചടങ്ങ് ആദരിച്ചു.
GMUP സ്കൂൾ അരീക്കോടിലെ അധ്യാപകനായ അഷ്റഫ് മോളെയിൽ, കഴിഞ്ഞ 19 വർഷമായി വിദ്യാഭ്യാസ മേഖലയിൽ പ്രവർത്തിച്ചുവരികയാണ്. താൻ പഠിപ്പിച്ച വിദ്യാർത്ഥികളെ ഉന്നത നിലവാരത്തിലെത്തിക്കുന്നതിനും, സാമൂഹിക പ്രതിബദ്ധത വളർത്തുന്നതിനും അദ്ദേഹം വലിയ പങ്ക് വഹിച്ചു. ക്ലാസ് മുറികളിൽ മാത്രം ഒതുങ്ങാതെ, വിദ്യാർത്ഥികളുടെ മാനസികവും സാമൂഹികവുമായ വളർച്ചയ്ക്കും അദ്ദേഹം ഊന്നൽ നൽകി. ഈ പ്രവർത്തനങ്ങൾ പരിഗണിച്ചാണ് സംസ്ഥാന സർക്കാർ അദ്ദേഹത്തെ മികച്ച അധ്യാപകനായി തിരഞ്ഞെടുത്തത്.
ചൂരക്കാട് കുടുംബം ഒരുക്കിയ സ്വീകരണ ചടങ്ങിൽ നിരവധി പേർ പങ്കെടുത്തു. കുടുംബാംഗങ്ങൾ അദ്ദേഹത്തിന് ഉപഹാരങ്ങൾ നൽകി ആദരിച്ചു. അഷ്റഫ് മോളെയിൽ തന്റെ വിജയത്തിന് പിന്നിൽ കുടുംബാംഗങ്ങളുടെയും നാട്ടുകാരുടെയും പിന്തുണയുണ്ടെന്ന് നന്ദിയോടെ സ്മരിച്ചു. ഈ അംഗീകാരം തനിക്ക് കൂടുതൽ ഉത്തരവാദിത്തം നൽകുന്നുവെന്നും അദ്ദേഹം പറഞ്ഞു. ചടങ്ങിൽ കുടുംബ കൂട്ടായ്മ ഭാരവാഹികളായ അബ്ദുറഹിമാൻ ചുരക്കാട് , ബഷീർ ചൂരക്കാട്, ഷമീർ ചൂരക്കാട്, സലാം അളിയൻ,സുനീർ തുടങ്ങിയവർ ആശംസകൾ അർപ്പിച്ചു.
إرسال تعليق